Barış Alper Yılmaz 23 may 2000-ci ildə Rize-də anadan olub. Futbola Rize Özel İdare Spor ilə başlayan Yılmaz, lisenziyasını bu klubda alıb. 2017-ci ildə Ankara Demirspor klubu ilə peşəkar karyerasına ilk addımını atıb. 2021-ci ildə Galatasaray A.Ş. klubuna transfer olub. Hazırda karyerasına Galatasaray-da davam edir.

Karyerası

Futbolçu karyerasına Rize-də başlayan Barış Alper Yılmazın altyapı karyerası 2011-2017-ci illərdə Rize Özel İdare Spor klubunda keçib. 2017-ci ildə Ankara Demirspor ilə peşəkar karyerasına ilk addımını atıb. 10.07.2021-ci ildə Galatasaray ilə müqavilə imzalayıb. Süper Liqadakı ilk oyununa 23 avqust 2021-ci ildə Galatasaray - Hatayspor matçı ilə çıxıb. Galatasaray ilə ilk dəfə Avropa Liqası və UEFA Çempionlar Liqası matçlarında oynayıb. Milli Komandadakı ilk oyununa U-21 ilə 26 mart 2021-ci ildə çıxıb. A Milli Komanda ilə 13 noyabr 2021-ci ildə Türkiyə - Cəbəllütariq matçında forma geyinib. Süper Liqa karyerasında 2022-ci ildə Galatasaray - Kayserispor qarşılaşmasında 86-cı dəqiqədə ilk qolunu vurub. Əsas mövqeyi sol cinah olan Barış Alper Yılmaz, həm sağ cinahda, həm də mərkəz hücumçusu kimi oynaya bilir.

Milli Komanda Karyerası

Mart 2021-ci ildə həmin dövrdə Ümit Milli Komandanın baş məşqçisi olan Tolunay Kafkas tərəfindən heyətə çağırılıb. Milli Komanda karyerası U-21 kateqoriyasında Xorvatiya - Türkiyə qarşılaşmasında oynadığı ilk oyunla başlayıb. Oyuna 46-cı dəqiqədə daxil olub və 84-cü dəqiqədə ilk qolunu vuraraq möhtəşəm bir başlanğıc edib. Dünya Kuboku - 2022 təsnifat oyunları çərçivəsində keçirilən Türkiyə - Cəbəllütariq qarşılaşması ilə ilk dəfə A Milli Komanda kateqoriyasında çıxış edib. 2024-cü ildə Galatasaray-ın çempionluğundan sonra Milli Komanda ilə Avropa Çempionatında forma geyinib. A Milli Komandadakı ilk qolunu 12.10.2023-cü ildə Avropa Çempionatı 2024 Qrup Təsnifat mərhələsində Xorvatiya ilə keçirilən oyunda vurub.

Güncəl Vəziyyət

2025-ci il etibarilə A Milli Komandada və 53 nömrəli forması ilə Galatasaray-da karyerasına davam edir.

Nailiyyətlər 

Galatasaray

• Süper Liqa Çempionluğu: 2022 - 2023
• Süper Liqa Çempionluğu: 2023 - 2024
• Türkiyə Super Kuboku: 2023 - 2024

2024-cü ildə Türkiyə Fair Play Mükafatına namizəd göstərildi.

2024-cü ildə Galatasaray-da "İlin Kişi İdmançısı" mükafatını qazandı.

Digər

• Barış Alper Yılmaz 2024-cü ildə Skechers ilə sponsorluq müqaviləsi bağlayaraq firmanın marka elçisi oldu.
• 2025-ci ildə Red Bull Türkiyə ilə müqavilə imzalayaraq Red Bull Türkiyənin futbol sahəsindəki ilk idmançısı oldu.
• GQ Bahar 2025 buraxılışında jurnal qonağı oldu.
• 2024 Avropa Futbol Çempionatında Türkiyə - Çexiya matçında "Oyunun Adamı" seçildi.