Ferdi Erenay Kadıoğlu, 7 oktyabr 1999-cu ildə Gelderlandın paytaxtı olan Arnhem şəhərində dünyaya gəlib. Ferdi Kadıoğlunun anası əslen kanadalı, atası isə türkdür. ESA altyapısı, NEC altyapısı, NEC U17, NEC Nijmegen və Fənərbaxça klublarında çıxış edib. Millî karyerasına Niderlandın gənclər millî komandası ilə başlayıb. 2022-ci ildə ay-ulduzlu formanı geyinəcəyini açıqlayan Ferdi Kadıoğlu, ilk rəsmi oyununa 4 iyun 2022-ci ildə çıxıb. A millî komanda ilə indiyədək 22 oyuna çıxan Kadıoğlu 1 qol vurub. Sol cinah müdafiəçisi mövqeyində çıxış edən Kadıoğlu, 24 avqust 2024-cü ildən etibarən karyerasını Brighton klubunda 24 nömrəli formayla davam etdirir.

Ferdi Kadıoğlu futbola 7 yaşında ESA altyapısında başlayıb. Daha sonra NEC altyapısı, NEC U17, NEC Nijmegen və Fənərbaxça klublarında çıxış edib. NEC Nijmegen U19 komandasında 2 oyunda 143 dəqiqə, NEC Nijmegen U21 komandasında isə 3 oyunda 158 dəqiqə meydanda olub.

Ferdi Kadıoğlu, 1 iyul 2016-cı ildə NEC Nijmegen klubunun əsas heyətinə yüksəldi. Eredivisie Liqasındakı ilk rəsmi oyununa 28 avqust 2016-cı il tarixində keçirilən AZ Alkmaar – NEC Nijmegen qarşılaşmasında 88-ci dəqiqədə oyuna daxil olaraq çıxış etdi. 30 oktyabr 2016-cı ildə FC Utrecht – NEC Nijmegen oyununda 46-cı dəqiqədə meydana daxil olub, 62-ci dəqiqədə ilk qolunu vurdu. NEC Nijmegen klubunda 16 nömrəli formayla oynadığı 70 oyunda 12 qol vurdu, 18 asist etdi. Oyunlarda ümumilikdə 4.436 dəqiqə meydanda oldu.

Ferdi Kadıoğlu, 14 iyul 2018-ci ildə 18 yaşında ikən NEC Nijmegen klubundan Fənərbaxçaya transfer olub. Kadıoğlu, Fənərbaxça U19 komandasında 1 oyunda 59 dəqiqə, U21 komandasında isə 10 oyunda 885 dəqiqə oynayıb. Fənərbaxça ilə ilk mövsümündə Süper Liqada heç bir oyunda meydana çıxmayıb. 19 yaşlı Ferdi Kadıoğlu, Süper Liqadakı ilk oyununa 19 avqust 2019-cu ildə çıxıb. Ersun Yanal tərəfindən Victor Moses-in zədələnməsi səbəbilə 77-ci dəqiqədə oyuna daxil edilən Ferdi, ilk oyununda ilk qolunu 88-ci dəqiqədə Max Kruse-nin ötürməsi ilə vurub. Süper Liqada ümumilikdə 148 oyunda iştirak edib, 11 qol vurub və 16 asistlə yadda qalıb.

Avropa Liqası üçün 16 sentyabr 2021-ci il tarixində keçirilən Eintracht Frankfurt – Fənərbaxça qarşılaşmasında Ferdi Kadıoğlu ilk dəfə əsas heyətdə meydana çıxdı. Türkiyə Kuboku oyunlarında 22 matçda forma geyinən Kadıoğlu, 3 qol və 3 asistlə yadda qaldı. Fənərbaxça formasıyla ümumilikdə 204 oyunda çıxış etdi. Bu müddətdə 14.158 dəqiqə meydanda oldu. 18 qol vurdu, 22 asist edərək Fənərbaxça karyerasını tamamladı.

^{Ferdi Kadıoğlu (ferdikadioglu) – Instagram hesabı.}

Premyer Liqada oyunlar keçirən Brighton klubu, 24 avqust 2024-cü il tarixində Ferdi Kadıoğlunu heyətinə qatdı. Premyer Liqadakı ilk oyununa 14 sentyabr 2024-cü il tarixində keçirilən Brighton – Ipswich Town qarşılaşmasında 68-ci dəqiqədə oyuna daxil olaraq çıxdı. 2 noyabr 2024-cü ildə oynanan Liverpool FC – Brighton oyununda isə Danny Welbeck-in ötürməsi ilə 14-cü dəqiqədə qol vurdu. Həmin Liverpool qarşılaşmasında zədələnən Ferdi Kadıoğlu hələ meydanlara qayıda bilməyib. İndiyə qədər 24 nömrəli forması ilə 8 oyunda çıxış edib, 2 qol vuraraq ümumilikdə 440 dəqiqə meydanda olub.

^{Ferdi Kadıoğlu (ferdikadioglu) - İnstagram}

Ferdi Kadıoğlu millî komanda karyerasına 2015-ci ildə, 15 yaşında ikən Niderland U16 komandasında başladı. Niderlandın U16, U17, U18, U19, U20 və U21 komandalarında çıxış etdi. Ümid və gənclər səviyyəsində Niderland üçün oynayan Kadıoğlu, 2022-ci ildə Türkiyə Millî Komandasına keçdi. Türkiyə yığmasındakı ilk oyununa 22 yaşında, baş məşqçi Stefan Kuntz dövründə, 4 iyun 2022-ci ildə çıxdı. Türkiyə ilə 22 oyunda çıxış edib və 1 qol vurub. Ferdi Kadıoğlu millî komanda seçimi ilə bağlı verdiyi bir müsahibədə belə deyib:

"Hollanda'da altyapı təhsili almış bir çox oyunçunun Türkiyə Millî Komandasını seçdiyini görürəm. Hollanda A Millî Komandasına çıxmadığım üçün A komanda səviyyəsində Türkiyə, Hollanda və Kanada'yı seçmək hüququna sahibəm."

Avropa Çempionatı 2024 müsabakasında;

Türkiyə-Gürcüstan, Türkiyə-Portuqaliya, Türkiyə-Çexiya, Türkiyə-Avstriya, Türkiyə-Hollandiya oyunlarında 90 dəqiqə ərzində 20 nömrəli forması ilə yaşıl sahədə mübarizə apardı. Bir müsahibədə jurnalistin, "Hollanda mətbuatından bir sual vermək istəyirəm. Məşqçi ilə danışdığımızda, Hollanda komandasına da yer tapa biləcəyinizi ifadə etmişdi. Bu barədə nə düşünürsünüz?" sualına, Ferdi Kadıoğlu belə cavab verdi: "Bunun bir əhəmiyyəti yoxdur, iki il əvvəl bir qərar verdim, Türk millî komanda formasını geyinmək üçün və bu gün buradayam."

Ferdi Kadıoğlu, Avstriya oyununda 12.200 metr məsafə qaçaraq turnirin rekordunu qırdı.

^{Ferdi Kadıoğlu (ferdikadioglu) - İnstagram}

• Türkiyə Kuboku: 2022/2023
• UEFA Avropa Liqası İştirakçısı: (2021-2022), (2022-2023)
• Konfrans Liqası İştirakçısı: (2021-2022), (2023-2024)

• Hollanda U17 - U17 Avropa Çempionatı İştirakçısı: 2016, 2017
• Hollanda U19 - U19 Avropa Çempionatı İştirakçısı: 2017, 2018
• Hollanda U21 - U21 Avropa Çempionatı İştirakçısı: 2021

• Avropa Çempionatı İştirakçısı: 2024