Aykut Kocaman, 5 Aprel 1965-ci ildə Sakaryada anadan olub. 1984-cü ildə Sakaryasporda başlayan futbolçu karyerası 2000-ci ilə qədər davam edib. Sakaryaspor və Fenerbahçe A.Ş.-də kuboklar qazanıb. 2001-ci ildə futbol karyerasına bu dəfə baş məşqçi kimi davam edib.

Baş məşqçi kimi Konyaspor və Fenerbahçe A.Ş. klubları ilə kuboklar qazanaraq uğurlu mövsümlər keçirib. Son olaraq 4 oktyabr 2021-ci ildə İstanbul Başakşehir FK klubunda baş məşqçi kimi fəaliyyət göstərib. Hazırda aktiv olaraq heç bir klubda baş məşqçilik etmir.

Aykut Kocaman futbolçu karyerasına 1984-cü ildə Sakaryaspor ilə başlayıb. Sakaryaspor-da 1986-1987 mövsümündə TFF 1. Liqanın, 1987-1988-ci ildə isə Türkiyə Kubokunun qalibi olub. Sakaryasporda kuboklar qazanan Kocaman, daha sonra Fenerbahçe klubuna transfer olaraq Süper Liqadakı karyerasına burada davam edib.

Fənərbaxçada səkkiz mövsüm keçirdi və bir çox çempionluqlar qazandı:

• 1988-1989-cu ildə Süper Liqa
• 1989-1990-cı ildə Türkiyə Super Kuboku
• 1995-1996-cı ildə Süper Liqa çempionluğu

Kocaman həmçinin üç dəfə Super Liqanın bombardiri oldu:

• 1988-1989 mövsümü 29 qolla
• 1991-1992 mövsümü 24 qolla
• 1994-1995 mövsümü 27 qolla

1996-cı ildə Fenerbahçe-dən İstanbulspor-a transfer olunub. Kocaman, 1 iyul 2000-ci ildə İstanbulsporda futbolçu karyerasını başa vurub. Yaşıl meydanda forvet-santrafor mövqeyində oynayan Kocaman, karyerası boyunca 396 oyuna çıxaraq oynadığı klublarda komandasına 222 qol və 71 assistlə töhfə verib. Süper Liqa, Türkiyə Kuboku, UEFA Kuboku, UEFA seçmə mərhələləri, Intertoto Kuboku, TFF Super Kuboku və Avropa Çempion Klublar Kuboku kimi turnirlərdə forma geyinib.

İlk dəfə U21 kateqoriyasında 1989-cu ildə Avropa Çempionatı 1990 Qrup Seçmələrində Türkiyə - Sovet İttifaqı qarşılaşmasında milli formanı geyindi. 1992-ci ildə ilk dəfə Türkiyə - Finlandiya qarşılaşmasında A Milli Komanda formasını geyinərək milli karyerasındakı ilk qolunu vurdu. Ümumilikdə 13 dəfə Milli Komanda üçün yaşıl meydanlarda mübarizə apardı.

2000-ci ildə İstanbulspor-da futbolçu karyerasını başa vuran Aykut Kocaman, 31 may 2001-ci ildə İstanbulspor-da Peşəkar Komanda Məşqçisi kimi vəzifəyə başladı. 2003-cü ildə İstanbulspor ilə başlayan baş məşqçilik karyerası Malatyaspor, Tümosan Konyaspor, Sincan Bələdiyyəsi Ankaraspor və Fenerbahçe A.Ş. klubları ilə davam etdi. Son olaraq 2021-ci ildə Rams Başakşehir Futbol Klubunda baş məşqçilik vəzifəsini yekunlaşdırdı.

Fənərbaxçada Aykut Kocaman da xidmət etdiyi 4 mövsümdə sarı-göylülər komandanın başında ən çox matça çıxan məşqçi adını qazanıb. “Fənərbaxça” Kocamanın rəhbərliyi altında Türkiyə Kubokunda 29 illik fasiləyə son qoysa da, Super Liqada 1, Türkiyə Kubokunda isə 2 çempionluq qazanıb. Aykut Kocaman UEFA Avropa Liqasının ilk dönəmində yarımfinala yüksəlib və ciddi uğur qazanıb.

• Fenerbahçənin başında ən çox rəsmi oyuna (198) çıxan baş məşqçi.
• Fenerbahçədə həm baş məşqçi, həm də futbolçu olaraq çempionluq sevinci yaşayan yeganə şəxs.
• 2012-2013 mövsümündə 64 oyunla Türk futbol tarixində bir mövsümdə ən çox oyuna çıxan baş məşqçi.
• Liqanın tarixində səfərdə ardıcıl qalibiyyət rekordu. (12 oyun)
• 2010-2011 mövsümünün ikinci yarısında 17 oyunun 16-sını qazanaraq ən yaxşı dövrə performansı.
• Fenerbahçənin Süper Liqada 2009-2010 mövsümünün 24-cü həftəsindən başlayıb, 2012-2013 mövsümünün 9-cu həftəsində sona çatan daxili meydançada ardıcıl 47 oyunluq məğlubiyyətsizlik seriyasının 41 oyununda komandanın başında Aykut Kocaman olub.
• Fenerbahçənin liqadakı tarixində ən çox qol vuran futbolçusu ünvanı. (140 qol)
• Kocaman, Fenerbahçədə 3 dəfə "Qol Kralı" olan və bu uğuru yaşayan ən çox futbolçu rekordunu Cemil Turan ilə bölüşür.

Sakaryaspor

• TFF 1. Liqa: 1986-1987
• Türkiyə Kuboku: 1987-1988

Fenerbahçe

• Süper Liqa: 1988-1989
• Süper Liqa: 1995-1996
• Türkiyə Super Kuboku: 1989-1990
• UEFA Kuboku İştirakçısı: 1990-1991
• UEFA Kuboku İştirakçısı: 1992-1993
• UEFA Kuboku İştirakçısı: 1994-1995
• UEFA Kuboku İştirakçısı: 1995-1996

Konyaspor

• Türkiyə Kuboku: 2016-2017

Fenerbahçe

• Türkiyə Super Kuboku: 2009-2010
• Türkiyə Kuboku: 2011-2012
• Türkiyə Kuboku: 2012-2013
• Süper Liqa: 2010-2011